Duha ka hors de combat gikan sa Negros Oriental ug Masbate ang gitaho nga namatay samtang anaa sa kustodiya sa militar, nga dakong paglapas sa internasyunal nga tawhanong balaod.

Niadtong Abril 23, gidakop, gitortyur ug tuyong gipatay sa 62nd IB si Dino Pane (Ka Yulo), manggugubat sa Bagong Hukbong Bayan (BHB)-Central Negros sa sa Sityo Nabuluan, Barangay Bucalan, Canlaon City, Negros Oriental. Si Pane nagpaayo niadtong panahona gikan sa pneumonia ug hilabihan ka luya. Wala siya’y armas niadtong higayuna.

Sa Masbate, namatay sa kustodiya sa 2nd IB si Raul Luding Tolingin niadtong Mayo 14 tungod sa “kumplikasyon ug uban pang balation.” Samaron si Tolingin sa dihang nadakpan niadtong Mayo 10 sa Barangay Miabas, Palanas human sa usa ka gama-gamang engkwentro. Dugay nang nag-antus sa diabetes, high blood ug rayuma si Tolingin ug nagpatambal samtang nagpuyo sa usa ka balay sa maong barangay. Tulo ka adlaw siyang gitago sa militar sa iyang pamilya sa wala pa namatay.

Nataho usab sa duhang prubinsya ang mga kaso sa pagpanakit, pagpamig-ot ug pagpanghadlok sa militar sa mga mag-uuma niadtong Abril. Tanan kini giingon nga kabahin sa paggukod sa militar sa hukbong bayan.