Sa milabayng mga semana, sa pagpanguna sa Bagong Alyansang Makabayan, nagpadayon ang protesta sa mga progresibong grupo aron ipanawagan ang makuti nga pagtaral ug pagpanubag ni bise presidente Sara Duterte. Miasdang na ang reklamong impeachment batok kang Duterte sukad mibotar ang mayorya sa Kongreso alang sa pag-impeach kaniya hangtod sa tigum sa mga senador aron tukuron ang usa ka impeachment court.

Niadtong Mayo 11, sa botong 257-25 na-impeach sa Kongreso si Duterte sa ikaduhang higayon sa mga kasong betrayal of public trust, korapsyon, pagpanuhol ug grabeng pagpanghulga. Nakalusot ang impeachment taliwala sa mga pagpanghadlok sa pundok ni Duterte, pinaagi sa partidong PDP Laban, batok sa mga kongresista.

Niadtong Mayo 18, gitukod sa mga senador ang impeachment court nga motaral kang Duterte. Gipangulohan kini sa bag-ong napili nga Senate President nga si Alan Peter Cayetano, nga nailang maka-Duterte. Pormal na usab nga narehistro sa impeachment court ang mga ngalan sa 11-ka-tawo nga prosekusyon gikan sa Kongreso. Sukad Mayo 11, sunud-sunod ang mga lihok-protesta sa mga pambansa-demokratikong organisasyon aron iduso ang pagtaral kang Duterte. Gawas sa Metro Manila, adunay mga protesta sa mga dakbayan sa Baguio, Cebu, Iloilo ug Davao.