Gitanghal ang mga armas ug nakataas ang mga kumo sa mga rebolusyonaryong pwersa sa tibuok nasud alang sa mga martir sa Bagong Hukbong Bayan (BHB) nga namatay karong Mayo.

Sa Negros Occidental, lima ka Pulang manggugubat sa BHB-Southwest Negros (Armando Sumayang Jr. Command) ang napatay sa pakiggubat sa 15th IB sa Barangay Abaca, Cauayan niadtong Mayo 16. Napatay si Vince Francis Dingding (Ka Poy/Moymoy), sekretaryo sa komite sa Partido, si Rolando Dantes Jr. (Ka Anyo), kumander sa BHB-Southwest Negros, silang Jobert Casipong (Ka Robi), Gilbert Tingson (Ka Kolintong/Ka Downy), ug Alex Languita (Ka Kaya).

Sa rehiyon sa Ilocos-Cordillera, namatay sa kanser ang Pulang manggugubat nga si Inocencio Sibud (Ka Maki) niadtong Mayo 14. Unang narekrut si Sibud isip myembro sa yunit sa milisyang bayan sa Barangay Bayao sa Pinukpuk, Kalinga kaniadtong dekada 1980. Gipadayon niya ang iyang rebolusyonaryong tahas ug nagpatuman og nagkalain-laing katungdanan sulod sa 37 ka tuig niyang pagserbisyo sa BHB.

Gihatagan sa Partido og pinakataas nga pag-ila ug pasidungog ang mga martir sa hukbong bayan nga gitawag niini nga “labing maayong mga anak sa katawhan.”