Nagtapok ang nagkadaiyang pundok sa Welcome Rotunda sa Quezon City niadtong Mayo 15 isip pakighiusa sa paghandom sa katawhang Palestino sa ika-78 anibersaryo sa Al Nakba. Gipanawagan nila ang kagawasan sa Palestine gikan sa bangis nga okupasyon sa Zionistang Israel. Gipangunahan ang lihok sa Philippines-Palestine Friendship Association. Dala sa mga nagprotesta ang mga bandila sa Palestine ug plakard nga nagpadayag og suporta sa mga Palestino.

Palayason ang mga sundalong Israeli. Nagpanawagan og hustisya ug pagpanubag ang mga residente sa General Luna sa Siargao Island sa Surigao del Norte human ang sunod-sunod nga krimen ug kabangis sa mga sundalong Israeli sa isla. Nagtigum sila uban ang mga lokal nga upisyal, pulis, mga tag-iya sa negosyo ug uban pang sektor niadtong Mayo 12 aron hisgutan ang mga insidente sa kabangis ug panamastamas sa maong mga sundalo sa isla.

Pinakaulahi ug pinakagrabe ang pag-atake sa usa ka grupo sa mga Israeli sa Cartoon Cafe sa General Luna niadtong Mayo 11. Sumala sa mga taho, giinitan sa mga sundalo ang establisimyento human nakita sa gawas niini ang usa ka bandila sa Palestine. Giingon nga giguba sa mga sundalo ang mga CCTV camera ug pisikal na gisakitan ang magtiayong tag-iya atubangan sa ilang gamayng anak. Ang maong mga sundalo giingong bag-o lang naggikan sa serbisyo sa gerang henosidyo sa Zionistang estado batok sa Palestine.