Napaatras sa mga residente sa Barangay Imelda, Las Navas, Northern Samar ang plano sa mga tropa sa 20th IB nga magtukod og kampo militar duol sa ilang komunidad. Hugot kining gisupak sa mga residente sa usa ka asembliya niadtong Marso.

Planong itukod ang kampo sa usa ka bungtod nga wala pay 50 metros ang gilay-on gikan sa kinaulahian nga balay sa usa ka sityo. Matod sa mga residente, supak kini sa gitakda sa internasyunal nga tawhanong balaod nga minimum nga distansyang 500 metros gikan sa komunidad sa mga sibilyan. Sa asembliya, tinagsa-tagsa nga nakig-ilogay og mikropono ang mga residente gikan sa mga sundalo aron ipadayag ang pagsupak sa kampo. Sa katapusan, tulo lamang ka residente ang “misugot” sa pagtukod.

Bisan pa, nagkampo gihapon ang mga armadong tropa sa balay sa mga sibilyan sa baryo. Gipadayon usab niini ang pagtukod sa kampo sa gawas sa barangay apan duol gihapon sa agianan padulong sa lungsod.