Napaatras sang mga residente sang Barangay Imelda, Las Navas, Northern Samar ang plano sang mga tropa sang 20th IB nga magtukod sang kampo militar sa ila komunidad. Hugot ini nga ginpamatukan sang mga residente sa isa ka asembliya sadtong Marso.

Plano nga itukod ang kampo sa isa ka pukatod nga wala pa 50 metros ang kalayuon sa ulihi nga balay sa isa ka sityo. Suno sa mga residente, taliw-as ini sa gintalana sang internasyunal nga makatawo nga layi nga minimum nga distansya nga 500 metros halin sa komunidad sang sibilyan.

Sa asembliya, isa-isa nga nakig-agaway sang mikropono ang mga residente halin sa mga soldado agud magpahayag sang pagpamatuk sa kampo. Sang ulihi, tatlo na lang ka residente ang “nagpasugot” sa pagtukod.

Sa pihak sini, nagakampo pa gihapon ang mga armado nga tropa sa balay sang mga sibilyan sa baryo. Ginapadayon man sini gihapon ang pagtukod sang kampo sa guwa sang barangay pero malapit pa gihapon sa alagyan padulong sa banwa.