Nakapasundayag ang mga armas kag nabayaw ang inumol sang mga rebolusyonaryong pwersa sa bug-os nga pungsod para sa mga martir sang Bagong Hukbong Bayan (BHB) nga napatay sining Mayo.

Sa Negros Occidental, napatay sa inaway sa 15th IB ang lima ka Pulang hangaway sang BHB-Southwest Negros (Armando Sumayang Jr Command) sa Barangay Abaca, Cauayan sadtong Mayo 16. Namartir sanday Vince Francis Dingding (Ka Poy/Moymoy), sekretaryo sang komite sang Partido sa larangan, si Rolando Dantes Jr. (Ka Anyo), kumander sang BHB-Southwest Negros, sanday Jobert Casipong (Ka Robi), Gilbert Tingson (Ka Kolintong/Ka Downy), kag Alex Languita (Ka Kaya).

Sa rehiyon sang Ilocos-Cordillera, napatay sa kanser ang Pulang hangaway nga si Inocencio Sibud (Ka Maki) sadtong Mayo 14. Una nga narekrut si Sibud bilang myembro sang yunit sang milisya sang banwa sa Barangay Bayao sa Pinukpuk, Kalinga sadtong dekada 1980. Nagpadayon siya sa iya rebolusyonaryong katungdanan kag nagtungod sang lain-lain nga mga hilikuton sa sulod sang 37 ka tuig nga pagserbisyo sa BHB.

Ginhatagan sang Partido sang pinakataas nga pagkilala kag pasidungog ang mga martir sang hukbo sang banwa nga ginbansagan sini nga “pinakamaayo nga mga anak sang banwa.”