Nagpahibalo ang Iran niadtong Hunyo 1 nga gisuspende niini ang partisipasyon sa negosasyon sa kalinaw sa US lambigit sa gubat. Resulta kini sa pag-atake ug pagbomba sa Zionistang Israel sa Lebanon nga dayag nga paglapas sa gambalay para sa hunong-buto. Kabahin niini, subling tukmang gisirado sa Iran ang Strait of Hormuz.

Sumala sa Iran, “ang paglapas sa usa ka nataran maoy paglapas sa hunong-buto sa tanang mga nataran.” Niadtong Mayo 31, gipahibalo mismo sa nag-unang ministro sa Zionistang Israel nga si Benjamin Netanyahu nga gimanduan niya ang iyang militar aron ipakaylap ug pakusgon ang mga operasyon ug maniobrang militar sa Lebanon. Sagunson ang mga pagpangbomba niini nga mipatay ug miangol sa daghang sibilyan sa Lebanon.

Human nabalda ang negosasyon, giatake sa US niadtong Hunyo 3 ang Qeshm Island sa Iran nga giingong nagguba sa mga misayl ug drone sa nasud. Gitawag kini sa US isip lakang sa “pagpanalipod sa kaugalingon.” Gibalusan og atake ang Iran sa mga base ug pasilidad sa US sa Kuwait ug Bahrain.

Niadtong Mayo 28, patong-patong nga mga bag-ong sangsyon ang pahamtang sa US sa Iran.