Sa Masbate, nadakpan, gitortyur ayha gipatay sa 2nd IB ang usa ka Pulang manggugubat sa Bagong Hukbong Bayan (BHB)-Masbate niadtong Disyembre 13. Ang manggugubat nasamdan sa tiil ug nadakpan human sa usa ka panagsangka sa Barangay Pitogo, Cataingan niadtong adlawa. Gipailalum siya sa brutal nga pisikal nga tortyur tungod sa pagkamatay sa duha ka sundalo sa 2nd IB.

Samtang niadtong Disyembre 9, giaresto sa mga pulis sa kasong pagpatay ug pasangil nga taas nga upisyal sa BHB si Juanito Bultron. Siya usa ka residente sa Barangay Teresita, Cataingan nga adunay kabilinggan sa panghunahuna. Ginapagawas sa pulis nga nadakpan siya sa Barangay Malibas, Palanas.

Sa Occidental Mindoro, gidagit ug gitortyur sa 76th IB si Dolores Mariano Solangon, 47-anyos nga babayeng Mangyan-Iraya, sa Abra de Ilog, Occidental Mindoro niadtong Disyembre 2, ala-1:30 sa hapon. Gigapos siya sa usa ka kahoy ug gipailalum sa interogasyon hangtud alas-4:00 sa hapon.

Gidala siya sa bukirong erya ug subling gitortyur hangtud alas-9:00 sa gabii. Gipakalot usab siya sa kaugalingong lubnganan ug gihulgang patyon kung moikyas. Nahitabo ang pagdagit ug pagtortyur kang Solangon human ang usa ka engkwentro sa 76th IB sa BHB sa Sityo Balite, Barangay Lumangbayan sa Abra de Ilog niadtong Nobyembre 26.”