Idiay Masbate, natiliw ken tinortyur sakbay a pinatay ti 2nd IB ti maysa a Nalabbaga a mannakigubat ti New People’s Army (NPA)-Masbate idi Disyembre 13. Ti mannakigubat ket nasugatan iti saka ken natiliw kalpasan ti maysa a labanan idiay Barangay Pitogo, Cataingan iti didiay nga aldaw. Inpasidong da isuna iti brutal a pisikal a tortyur gapu iti pannakatay ti dua a soldado ti 2nd IB iti labanan.

Kabayatanna idi Disyembre 9, inaresto dagiti pulis iti kaso a pammapatay ken akusasyon a ni Juanito Bultron ket nangato nga upisyal ti NPA. Isuna ket residente ti Barangay Teresita, Cataingan nga addaan rangkap iti panunot. Parparwaren dagiti pulis a natiliw isuna idiay Barangay Malibas, Palanas.

Idiay Occidental Mindoro, dinukot ken tinortyur ti 76th IB ni Dolores Mariano Solangon, agtawen 47 a Mangyan-Iraya a babae idiay Abra de Ilog, Occidental Mindoro idi Disyembre 2, oras ti 1:30 ti malem. Ingalut da isuna iti maysa a kayo ken inpasidong da iti interogasyon agingga alas-4:00 ti malem.

Inpan da iti nabantay nga erya ken balbaliw a tinortyur da agingga alas-9:00 ti rabii. Pinagkali da met isuna ti bukod na a tanem ken pinangtaan da a patayen nu aglibas. Napasamak ti panagdukot ken panagtortyur ken Solangon kalpasan ti maysa nga engkwentro ti 76th IB iti NPA iti Sityo Balite, Barangay Lumangbayan idiay Abra de Ilog idi Nobyembre 26.