Ha Masbate, nadakop, gintortyur antes tuyo nga ginpatay han 2nd IB an usa nga Pula nga mangaraway han Bagong Hukbong Bayan (BHB)-Masbate hadton Disyembre 13. An mangaraway nasamaran ha siki ngan nadakop kahuman an usa nga agway ha Barangay Pitogo, Cataingan hito nga adlaw. Ginpailarum hiya ha brutal nga pisikal nga tortyur tungod ha pagkamatay han duha nga sundalo han 2nd IB ha agway.

Samtang hadton Disyembre 9, gin-aresto han mga pulis ha kaso nga pagpatay ngan akusasyon nga hitaas nga upisyal han BHB hi Juanito Bultron. Residente hiya han Barangay Teresita, Cataingan nga mayda kapansanan sa panhunahuna. Ginpapagawas han pulis nga nadakop hiya ha Barangay Malibas, Palanas.

Ha Occidental Mindoro, ginsikmit ngan gintortyur han 76th IB hi Dolores Mariano Solangon, 47 anyos nga babaye nga Mangyan-Iraya, ha Abra de Ilog, Occidental Mindoro hadton Disyembre 2, ala-1:30 han kulop. Gin-gapos hiya ha usa nga kahoy ngan ginpailarum ha interogasyon tubtub alas-4:00 han kulop.

Gindara hiya ha bubkiron nga erya ngan utro nga gintortyur tubtub alas-9:00 han gab-i. Ginpaukab liwat hiya para ha kalugaringon nga lubnganan ngan gintarhug nga papatayon kun maeskapo. Nahitabo an pagsikmit ngan pagtortyur kan Solangon kahuman han usa nga engkwentro han 76th IB ha BHB ha Sityo Balite, Barangay Lumangbayan ha Abra de Ilog hadton Nobyembre 26.