Nagtapok ang kapin 20 ka myembro sa balangay sa Makabayang Samahang Pangkalusugan-National Capital Region (MSP-NCR) sa usa ka sikretong lugar niadtong Disyembre 6 aron ilunsad ang ilang rehiyonal nga asembliya. Mitambong dinhi ang mga mamumuo sa panglawas sa ospital, nars, duktor, medical technologist, dentista, ug mga estudyante sa medisina ug pagka-nars.

Ang asembilya giatol sa pagdumdum sa ika-47 nga anibersaryo sukad nga natukod ang MSP niadtong Disyembre 6, 1978.

Sa asembliya, gipalig-on sa MSP-NCR ang baruganan para sa demokratikong rebolusyon sa katawhan atubangan sa grabeng pag-antus sa katawhang Pilipino. Matud niini, mahinungdanong tigumon ang kusog sa sektor sa panglawas sa pakigbisog sa katawhan alang sa pagpaasdang sa rebolusyon.

Natibuok usab sa asembliya ang 5-puntong resolusyon alang sa pagpakusog sa pakigbisog niini. Gipagula ang resolusyon sa gimantalang espesyal nga isyu sa mantalaan sa MSP nga Ang Rebolusyonaryong Lunas.

Matud sa tsapter, mahinungdanong okasyon ang asembliya alang sa konsolidasyon sa gisakupan sa MSP. Naghatag-dalan kini aron makapaambit ang mga myembro sa rebolusyonaryong kasinatian sa pag-organisa ug kahimtang sa paghatag-serbisyo sa MSP nga tumugon sa panawagang moadto sa kabanikanhan. Dugang niini, mahinungdanong lakang usab ang asembilya sa pag-andam sa dugang pang konsolidasyon sa MSP sa nasudnong langkub.