Ginhanduraw sang pamilya, abyan, mga kaupod, partido kag organisasyon sa lain-lain nga bahin sang kalibutan ang ikatatlo nga anibersaryo sang pagtaliwan ni Kaupod Jose Maria Sison sadtong Disyembre 16. Sa Pilipinas kag the Netherlands, naglunsar sang mga aktibidad bilang pagdumdom kay Ka Joma.

Sa the Netherlands, ginpaguwa ang pelikula-dokumentaryo nga My Friend the Terrorist sadtong Disyembre 13. Ginpangunahan ang aktibidad sang Jose Maria Sison Legacy Foundation, Friends of the Filipino People in Struggle kag lokal nga organisasyon sini nga Maya Solidarity.

Sa Pilipinas, ginhalad kay Ka Joma sang isa ka sanga sang Partido Komunista ng Pilipinas sa Rizal ang ginlunsar sini nga pagtuon sa Sandigan nga Kurso sang Partido sadtong Disyembre 16.

Sa Quezon City, ginpasidunggan si Ka Joma sang mga tsapter sang Artista at Manunulat ng Sambayanan sa ginpangunahan sini nga kilat nga rali sa University of the Philippines-Diliman sadtong Disyembre 17. Ginpatigayon ini sa tunga sang Lantern Parade, ang tuigan nga parada sang mga parol sa kampus nga ginakadto sang linibo ka tumalan-aw.

Magluwas diri, unod man sang rali ang nagahilapit nga ika-57 nga anibersaryo sang Partido sa Disyembre 26 kag ang panawagan sa pumuluyong Pilipino, ilabi na sa mga pamatan-on, nga magpakigbahin sa inaway banwa kag magpatapo sa Bagong Hukbong Bayan.