Nagtirok an masobra 20 nga membro han tsapter han Makabayang Samahang Pangkalusugan-National Capital Region (MSP-NCR) ha usa nga sikreto nga lugar hadton Disyembre 6 agud iglansar an ira panrehiyon nga asembleya. Tinambong dinhi an mga trabahador pankalibsugan ha ospital, nars, doktor, medical technologist, dentista, ngan mga estudyante ha medisina ngan nursing.

Gintuman an asembleya han MSP-NCR ha paghandum ha ika-47 nga anibersaryo tikang han nahitukod ini hadton Disyembre 6, 1978.

Ha katitirok, ginpadig-on han MSP-NCR an panindugan para ha demokratiko nga rebolusyon han katawhan atubangan han sobra-sobra nga pag-inantos han katawhan Pilipino. Sering hini, importante nga itig-ob an kusog han sektor pankalibsugan ha pakigbisog han katawhan para ha pagpapasulong han rebolusyon.

Nabug-os liwat ha asembleya an 5-kapunto nga resolusyon para ha pagpapakusog han pakigbisog hini. Igin-gawas an resolusyon ha gin-gawas nga ispesyal nga isyu han mantalaan nga Ang Rebolusyonaryong Lunas.

Sigon ha tsapter, importante nga okasyon an katitirok para ha konsolidasyon han kaapihan han MSP. Naghatag-dalan ini para makapasaro an mga membro han rebolusyunaryo nga eksperyensya ha pag-oorganisa ngan eksperyensya ha paghahatag-serbisyo han MSP nga bumaton ha panawagan nga kumadto ha kabaryuhan. Dugang hini, importante nga pitad liwat an asembleya ha pangandam ha dugang pa nga konsolidasyon han MSP ha nasyunal nga lupgop.