2 hors de combat, ingagara a pinatay ti 47th IB
Sugatan idi nadanun dagiti soldado ti 47th IB ti agassawa a Nalabbaga a mannakigubat a da Pedro Gemodo, 61 ken Juliana Arculo Gemodo, 63 iti Sityo Agpapataw, Barangay Binobohan, Guihulngan City, Negros Oriental idi Enero 31. Imbes nga ibilang isuda a balud ti gubat ken ipaayan ti umuna a panangagas kas panangrespetar iti karbengan da, ingagara a pinatay dagiti soldado ti dua.
Nasugatan ti agassawa a Gemodo iti panagpalpaltog ti 47th IB iti panagatake iti nagistasyonan da a kalapaw iti Sityo Agpapataw. Nakataray da paadayo iti nakapasamakan ti insidente ngem naabutan dagiti berdugo.
Ti dua ket pinadayawan ti NPA-Central Negros (Leonardo Panaligan Command) iti panangibuwis ti biag para iti masa a Negrosanon.
2 hors de combat, ingagara a pinatay ti 47th IB
