2 ka hors de combat, hungod nga ginpatay sang 47th IB
Pilason sang naabtan sang mga soldado sang 47th IB ang magtiayon nga Pulang hangaway nga sanday Pedro Gemodo, 61, kag Juliana Arculo Gemodo, 63, sa Sityo Agpapataw, Barangay Binobohan, Guihulngan City, Negros Oriental sadtong Enero 31. Imbes nga kabigon nga mga bihag sang inaway kag dapatan sang pauna nga pagbulong bilang pagtahod sa ila kinamatarung, hungod nga ginpatay sang mga soldado ang duha.
Napilasan ang magtiayon nga Gemodo sa pagpaniro sang 47th IB sa pag-atake sa ginateneran nila nga payag sa Sityo Agpapataw. Nakadalagan sila palayo sa natabuan sang insidente apang naabtan sang mga berdugo.
Ginpasidunggan ang duha sang BHB-Central Negros (Leonardo Panaligan Command) sa pagbuhis nila sang kabuhi para sa masang Negrosanon.
2 ka hors de combat, hungod nga ginpatay sang 47th IB
