Dagiti nailyan-demokratiko a grupo, nakikaykaysa iti Venezuela ken Palestine
Nagmartsa agturong ti embahada ti US idiay Manila dagiti nailyan-demokratiko a grupo idi Pebrero 6 kas pannakikaykaysa iti Internasyunal nga Aldaw ti Tignay para iti Venezuela ken Palestine. Nakaturong ti protesta iti panangpasungbat iti imperyalista a US iti agresyon iti Venezuela ken henosidyo daytoy ken ti Zionista nga Israel iti Palestine. Awit da ti awag nga: US, numero Uno a Terorista ken Isardeng ti makinarya ti gubat ti US!
Kabayatanna, nagprotesta idiay Panay dagiti progresibo a grupo ti estudyante idi Pebrero 4 kas pananglagip iti anibersaryo ti panagbettak ti gera a Pilipino-Amerikano idi 1899. Kinundenar da ti agtultuloy nga interbensyon ti US iti Pilipinas, iti langa dagiti saan a patas a katulagan ken presensya a militar ti US iti pagilyan.
