Binigbig ken pinadayawan ti rebolusyonaryo a tignay idiay Negros ita Pebrero ni Reynaldo Erecre (Ka Amek) iti nabaknang a kontribusyon iti panangiyabante ti rebolusyon idiay Negros ken Central Visayas. Ni Erecre ket pinapatay dagiti pasista a tauhan ti 94th IB kalpasan a matiliw isuna idi Enero 30 idiay Sityo Apitong, Barangay Bi-ao, Binalbagan, Negros Occidental.

Segun iti ulat ti New People’s Army-South Central Negros (Romeo Nanta Command), awan iti saad a lumaban ni Erecre idi natiliw isuna dagiti soldado ti AFP. Ingagara da a pinatay babaen ti nalabes a pwersa, isu a saan a mabigbig ti rupa na.

Ni Erecre ti kalihim ti Pangrehiyon a Komite ti Partido idiay Negros idi namartir. Nagtaud isuna iti dasig a nababa a petiburges ken dimmakkel idiay Maco, Davao de Oro. Nagtrabaho isuna iti maysa a pabrika ti plywood idi nagsardeng iti panagadal iti kurso a Bachelor of Science in Education.

Nagpultaym isuna iti NPA idi 1996. Kalpasan ti tallo a tawen iti serbisyo ket nagbalin a kagawad ti komite iti larangan. Nagbalin isuna a paset ti yunit partisano ti NPA idiay Cebu ken Bohol. Maysa met isuna kadagiti nangiyuna iti natured a reyd iti hedkwarters ti PNP idiay Bohol idi Hunyo 1999 nu sadinno a nasamsam ti nasurok 80 nga armas. Idi 2004, naitalaga isuna kas upisyal ti Komiteng Tagapagpaganap ti Komiteng Rehiyon idiay Central Visayas.

Idi 2006, naiyakar ti trabaho ni Erecre iti isla ti Negros ken nagserbi a kumander ken maikadwa a kalihim ti Partido iti larangan ti Southeast Negros. Manipud 2019, ni Erecre ket nagbalin a kumander ti pangrehiyon a kumand ti NPA iti isla ti Negros (Apolinario Gatmaitan Command) ken nagbalin a paset ti Kalihiman ti Komite ti Rehiyon ti Partido iti intero nga isla. Manipud 2023, nagserbi isuna a kalihim ti Partido iti isla. Aktibo isuna a nangiyuna ken nangitandudo iti panangiyabante ti tignay panagilinteg iti isla.

Kabayatanna, namartir iti napasamak nga engkwentro ni Joem Golez. Maysa isuna nga istap iti trabaho a medikal ti pangrehiyon a kumand ti NPA. Nagtaud isuna iti dasig a mannalon ken residente ti Barangay Quintin Remo, Moises Padilla. Nagkameng ni Golez iti hukbo ti umili idi 2016.