Nagmartsa padulong sa embahada sang US sa Manila ang mga pungsodnon-demokratiko nga grupo sadtong Pebrero 6 bilang pakig-isa sa Internasyunal nga Adlaw sang Aksyon para sa Venezuela kag Palestine. Nakatutok ang protesta agud pasabton ang imperyalistang US sa agresyon sini sa Venezuela kag henosidyo sini kag sang Zionistang Israel sa Palestine. Dala nila ang mga panawagan: US, numero Uno nga Terorista kag Pauntaton ang makinarya sang gyera sang US!

Samtang, nagprotesta sa Panay ang mga progresibong grupo sang mga estudyante sadtong Pebrero 4 bilang pagdumdom sa anibersaryo sang paglupok sang gyerang Pilipino-Amerikano sadtong 1899. Ginkundenar nila ang nagapadayon nga interbensyon sang US sa Pilipinas, sa dagway sang mga indi patas nga mga kasugtanan kag presensya militar sang US sa pungsod.