Hugot nga ginkundenar sang pangrehiyon nga komite sang League of Peoples’ Struggle (ILPS) sa Europe ang nagasingki nga atake batuk sa pumuluyo sang Rojava nga nagsugod sadtong ulihi nga mga semana sang Enero. Ginalaragway sang ILPS ang nagakatabo nga opensiba bilang “grabe kag nagasingki nga kampanya sang kalakasan, pagpahalin kag kolektibo nga pagsilot” nga wala sang pagrespeto sa kabuhi sang mga sibilyan kag sandigan nga dignidad sang tawo. Paandam sini, nagahana ang lapnagon nga masaker sa pumuluyong Kurdish.

Sa pahayag sini, ginhatagan sang tum-ok sang ILPS Europe nga ang mga pag-atake sa Rojava nagasanto ini sa katuyuan sa pulitika kag militar sang mga gamhanan nga estado sa rehiyon kag sang ila imperyalismong agalon. Ginaangot sang grupo ang opensiba sa mas lapnagon nga estratehiya sang kooperasyon US-Zionista-Turkish nga nakatutok sa paghari sa West Asia.

Hugot nga ginbatikos sang ILPS Europe ang mga gobyerno sa Europe sa pakigkunsabo sa opensiba paagi sa pagpondo kag pagsuporta sa rehimen kag mga armadong grupo nga imbolbado sa pag-atake kag pagmasaker sa pumuluyong Kurdish.