Naglansad og mga aktibidad ang Jose Maria Sison Legacy Foundation (JMSLF) adtong Pebrero isip pagsaulog sa unta ika-87 nga kaadlawan ni Kasamang Jose Maria Sison niadtong Pebrero 8. Dungan usab nila nga gisaulog ang unang tuig sa pagkatukod sa foundation. Gisaulog kini sa grupo ubos sa tema nga “Rejoice, Rectify, Remember: Commemorating the Life and Legacy of Jose Maria Sison.”

Sa Pebrero 8, gipagula ang pelikula nga The Guerilla is a Poet ug pagtigum ug kumbira sa kaadlawan ni Ka Joma. Sa Pebrero 21, gihimo ang diskusyon bahin sa kabilin sa First Quarter Storm diin nagsilbing mga mamumulong sila Julie de Lima, Siegfred Deduro, Boni Ilagan ug Judy Taguiwalo. Sa Pebrero 28, gihimo ang espesyal nga paglibot sa JMS Museum didto sa The Netherlands.

Mitambong sa mga aktibidad ug tigum ang mga higala, kauban, mga aktibista gikan sa lain-laing lokal nga organisasyon ug mga myembro sa komunidad nga nagsuporta sa foundation. “Ang nagkalain-laing henerasyon sa mga aktibista nga nagtigum alang niining mga kalihokan nagpakita sa lig-on nga impluwensya sa giya ni Ka Joma,” sumala pa sa pahayag sa JMSLF.