Naglunsar sang mga aktibidad ang Jose Maria Sison Legacy Foundation (JMSLF) sadtong Pebrero bilang pagsaulog sa kuntani ika-87 nga kaadlawan ni Kaupod Jose Maria Sison sadtong Pebrero 8. Kadungan man nila nga gindumdom ang una nga tuig sang pagkatukod sang foundation. Ginlunsar sang grupo ang mga ini sa tema nga “Rejoice, Rectify, Remember: Commemorating the Life and Legacy of Jose Maria Sison.”

Sadtong Pebrero 8, may mga palagwaon sang pelikula nga The Guerilla is a Poet kag pagtililipon kag kaon sa kaadlawan ni Ka Joma. Sadtong Pebrero 21, may yara sang talakayan sa panubli sang First Quarter Storm kon diin nagserbe nga taghambal sanday Julie de Lima, Siegfred Deduro, Boni Ilagan kag Judy Taguiwalo. Sadtong Pebrero 28, nagpatigayon sang ispesyal nga tour sa JMS Museum sa the Netherlands.

Nagtambong sa mga aktibidad kag pagtililipon ang mga abyan, kaupod, mga aktibista sang lain-lain nga lokal nga organisasyon kag mga myembro sang komunidad nga nagasuporta sa foundation. “Ang lain-lain nga henerasyon sang mga aktibista nga nag-ululupod para sa mga aktibidad nga ini nagapakita sang malig-on nga impluwensya sang ubay ni Ka Joma,” pahayag sang JMSLF.