Niadtong Pebrero 27, sa pagpangulo sa Samahan sa Gagmay nga Mangingisda sa San Miguel Bay (SMB), opisyal nga gitukod ang Tanggol SMB Network sa Barangay Sabang sa Calabanga, Camarines Sur. Tumong sa alyansa nga supakon ang plano sa SMB nga offshore wind projects. Sumala sa alyansa, liboan ka mangingisda ang mawad-an og panginabuhian tungod sa proyekto. Direkta usab nga atake ang proyekto sa seguridad sa pagkaon ug katungod sa katawhan alang sa rekurso sa dagat.

Sa ubang lungsod sa probinsya, gipakigbatokan sa mga mag-uuma ang ilang katungod sa yuta. Sa Barangay San Ramon ug Salvacion, Siruma, naglansad og protesta ang gatusan ka residente niadtong Pebrero 18 aron makmakon ang pagpangilog sa mga Villafuerte sa ilang yuta.

Niadtong Pebrero 20, naduso sa Portico Banasi Household Farmers Association ang ilang katungod sa pamuyo sa gihimong kumperensya sa munisipyo sa Bula. Sumala sa grupo, imbis nga paminawan sila sa mga upisyal sa Philippine Commission on Urban Poor ug sheriff sa RTC Branch 31 sila pa hinoon ang morag tigdepensa sa mga nangilog sa yuta. Wala motambong sa kumperensya ang mga representante sa Colarina, Tan ug sa korporasyon nga Ruby Shelters Builders and Development Corporation. Samtang nagpulong, gibantayan sila sulod sa bilding sa mga ginsakpan sa PNP nga nagdala og tag-as nga kalibre sa armas.