Naglansar han mga aktibidad an Jose Maria Legacy Foundation (JMSLF) hadton Pebrero komo pagselebrar han ika-87 nga kaadlawan ni Kasamang Jose Maria Sison hadton Pebrero 8. Kadungan liwat nira nga ginsalin-urog an syahan katuig han pagkakatukod han foundation. Iginlansar ini han grupo ha tema nga “Rejoice, Rectify, Remember: Commemorating the Life and Legacy of Jose Maria Sison.”

Hadton Pebrero 8, nagkamayda han pasalida han pelikula nga The Guerilla is a Poet ngan katitirok ngan pangaon ha kaadlawan ni Ka Joma. Hadton Pebrero 21, nagkamayda han diskusyon ha sulundanon han First Quarter Storm diin nagserbe nga tagapagyakan hira Julie de Lima, Siegfred Deduro, Boni Ilagan ngan Judy Taguiwalo. Hadton Pebrero 28, naghimo han ispesyal nga tour ha JMS Museum ha the Netherlands.

Tinambong ha mga aktibidad ngan katitirok an mga kasangkayan, kasama, mga aktibista ngan magkalain-lain nga lokal nga organisasyon ngan membro han komunidad nga nasuporta ha foundation. “An magkalain-lain nga henerasyon han mga aktibista nga nag-urupod para hini nga aktibidad nagpapakita han madig-on nga impluwensiya han giya ni Ka Joma,” pahayag han JMSLF.