Nagisayangkat kadagiti aktibidad ti Jose Maria Sison Legacy Foundation (JMSLF) idi Pebrero kas panagrambak iti maika-87 koma a kasangay ni Kadwa Jose Maria Sison idi Pebrero 8. Kagiddan met a linagip da ti umuna a tawen ti pannakabwangay ti foundation. Insayangkat ti grupo dagitoy iti tema a “Rejoice, Rectify, Remember: Commemorating the Life and Legacy of Jose Maria Sison.”

Idi Pebrero 8, naangay ti pabuya iti pelikula a The Guerilla is a Poet, taripnong ken pasken iti kasangay ni Ka Joma. Idi Pebrero 21, naangay ti tinnalantan iti patawid ti First Quarter Storm nu sadinno a nagserbi a tagapagsarita da Julie de Lima, Siegfred Deduro, Boni Ilagan ken Judy Taguiwalo. Idi Pebrero 28, naaramid ti espesyal a byahe iti JMS Museum idiay Netherlands.

Dimmar-ay kadagiti aktibidad ken taripnong dagiti gagayyem, kakadwa, dagiti aktibista ti nadumaduma a lokal nga organisasyon ken dagiti kameng ti komunidad a sumupsuporta iti foundation. “Ti nadumaduma a henerasyon dagiti aktibista a nagtitipon para kadagitoy nga aktibidad ket mangipakpakita ti natibker nga impluwensya ti tarabay ni Ka Joma,” pablaak ti JMSLF.