Misulong ug nagprotesta ang alyansang Gabriela sa nasudnong opisina sa Department of Finance sa Pasay City niadtong Marso 4. Gipanawagan nila ang pagbasura sa 12% value added tax (VAT) ug excise tax atubangan sa walay hunong nga pagsaka sa presyo sa lana.

Una niini, gipangunahan sa alyansa ang mga serye sa protesta batok sa VAT sa milabayng mga semana sa Metro Manila ug sa pipila ka mga probinsya. Naglansad usab sila og mga asembliya ug porum aron hisgutan ang VAT. Gilansad usab sa grupo ang usa ka signature campaign nga target mokolekta og 12,000 pirma batok sa VAT.

Sumala nila, ang 12% VAT dakong pabug-at sa katawhang Pilipino. Bug-at na palas-onon kini sa matag Pilipino labi sa mga inahan nga naningkamot nga ipaigo ang suhol nga halayo kaayo sa makabuhi nga ang-ang.

Otrong mitumaw ang panawagan alang sa pagbasura sa VAT taliwala sa kaylap nga pagkondena sa katawhan sa mga anomalya ug korapsyon sa rehimeng Marcos. Giusik-usik sa korapsyon ang binilyong piso nga gibayad isip buhis sa katawhan.

Ang serye sa mga aktibidad sa Gabriela kabahin sa kampanyang “VAT Tangtangon, Kurakot Panubagon” nga sentral nga tema sa mga protesta sa Kalibutanong Adlaw sa Kababayen-an nga Anak sa Buhat sa umalabot nga Marso 8.