Napatay sang mga soldado sang 3rd IB sa patarasak nga pagpaniro ang mangunguma nga si Jaime Pabillar, 44 anyos, sa Barangay Cagtoto-og, San Jorge, Samar sadtong Pebrero 2. Si Pabillar yara sa sulod sang iya balay kaupod ang asawa, anak kag apo sang paulanan sang bala sang mga soldado.

Ginpanginwala sang Bagong Hukbong Bayan (BHB)-Western Samar (Arnulfo Ortiz Command) ang pasibangud sang 3rd IB nga si Pabillar isa ka Pulang hangaway. Gin-athag sang hukbo sang banwa nga si Pabillar isa ka sibilyan nga yara sa sulod sang balay nga temporaryo nga ginatineran sang yunit sang BHB. Yara sa baryo ang hukbo agud mag-imbestigar sa kahimtangan sang mga residente nga gin-igo sang pag-ulan kag militarisasyon.

Sang nagpalupok ang 3rd IB sa direksyon sang balay, wala nagbalos palupok ang mga Pulang hangaway kag madasig nga nagpalagyo. Pagtinguha ini sang yunit nga ipalayo sa kahalitan ang masa nga nagpasulod sa ila sa balay.

Sa Barangay Bay-ang, ginpangtiro sang 52nd IB ang tatlo ka mangunguma sadtong Pebrero 20. Pagkatapos sini, ginsakit sila, ginbaluskay ang mga gamit kag ginpaidalum sa interogasyon. Ginpahog sila nga indi magpanugid. Sunod ini sang pagpangkanyon kag separado nga insidente sang pagpang-istraping sa mga malapit nga barangay sadtong Pebrero 16.