Sa pihak sang mataas na nga sweldo kag alawans, madamo sa Philippine National Police ang imbolbado sa mga kriminal nga aktibidad para sa suhol kag kwarta. Gamit ang pasistang gahum, ginakilkilan, ginakawatan kag gina-abuso sang mga pulis ang ordinaryo nga pumuluyo.

Suno mismo sa rekord sang PNP, masobra 2,500 ka pulis ang ginkakas sa pwesto sadtong 2025 tungod sa pagka-imbolbar nila sa baligyaanay sang iligal nga droga. Sadto naman Pebrero, pito ka pulis ang nabuyagyag nga nagpangkilkil sa isa ka residente sang Manila kabaylo sang pag-atras sang himo-himo nga kaso sang iligal nga droga nga ginpasaka batuk sa iya. Sa Angono, Rizal, 10 ka pulis ang nagtanum sang ebidensya, nagpangkastigo, nagkawat kag nagpangkilkil sa isa ka estudyante nga gina-akusaran nila nga imbolbado sa baligyaanay sang iligal nga droga. Duha ka bulan siya nga iligal nga ginpriso bisan naghatag sang kwarta ang iya pamilya. Samtang, anum ka pulis sa Makati ang nabuyagyag nga imbolbado sa serye sang mga pagpangkilkil kag pagpangawat sa syudad.

Ang mga ini pila lang sa lutaw nga pamatuod sang duna nga pasista kag abusado nga karakter sang kapulisan. Padayon nga nagalapta sa sulod sini ang kultura sang wala sang kunsiderasyon ukon pagrespeto.