Napatay han mga sundalo han 3rd IB ha waray wantas nga panmusil an parag-uma nga hi Jaime Pabillar, 44 anyos, ha Barangay Cagtoto-og, San Jorge, Samar hadton Pebrero 2. Hi Pabillar aada ha sakob han iya balay kaupod an asawa, anak ngan apo han pauranan han bala han mga sundalo.

Ginpahimuwa han Bagong Hukbong Bayan (BHB)- Western Samar (Arnulfo Ortiz Command) an akusasyon han 3rd IB nga hi Pabilla usa nga Pula nga mangaraway. Iginklaro han hukbo han katawhan nga hi Pabillar usa nga sibilyan nga aada ha sakob han iya balay nga temporaryo nga gindangpan han yunit han BHB. Aada ha baryo an hukbo agud mag-imbestiga ha kamutangan han mga residente nga ginlasurbo han pag-uran ngan militarisasyon.

Han nagpabuto an 3rd IB ha direksyon han balay, waray bumulos han buto an mga Pula nga mangaraway ngan madagmit nga gumikan. Panalinguha ini han yunit nga ighirayo ha kadelikaduhan an masa nga nag-akomodar ha ira ha balay.

Ha Barangay Bay-ang, ginpanmusil han 52nd IB an tulo nga parag-uma hadton Pebrero 20. Kahuman hini, ginpasul-an hira, gin-rekisa an mga gamit ngan iginpailarum ha interogasyon. Gintarhug hira nga diri magreklamo. Kasunod ini han panganganyon ngan bulag pa nga insidente han pangistraping ha mga kaamyaw nga barangay hadton Pebrero 16.