Ginsugod ngan nagprotesta an alyansa nga Gabriela ha nasyunal nga upisina han Department of Finance ha Pasay City hadton Marso 4. Iginpapanawagan nira an pagbasura ha 12% value added tax (VAT) ngan excise tax atubangan han waray hunong nga paghitaas han presyo han lana.

Antes hini, ginpangunahan han alyansa an mga serye han protesta kontra VAT ha naglabay nga mga semana ha Metro Manila ngan pira nga mga prubinsya. Naghimo liwat hira han mga asembleya ngan porum para talakayon an VAT. Iginlansar liwat han grupo an usa nga signature campaign nga target nga makakuha han 12,000 nga pirma kontra ha VAT.

Sering hini, an 12% VAT dako nga pabug-at ha katawhan Pilipino. Ginpapakurian kuno hini an kada Pilipino labina an mga iroy nga nananalinguha nga magin sadang an suhol nga ura-ura kahimubo tanding ha paggastos han makaburuhi nga lebel.

Utro nga nabuhi an panawagan para ha pagbasura ha VAT ha butnga han hiluagan nga pagkundenar han katawhan ha mga anomaliya ngan korapsyon han rehimen Marcos. Namamalgastar ha korapsyon an bilyun-bilyon kapiso nga iginbabayad nga buhis han katawhan.

An serye han mga aktibidad han Gabriela kaparte han kampanya nga “VAT Tanggalon, Kurakot Papagbatunon” nga sentro nga tema han mga protesta ha Pankalibutan nga Adlaw han Kababayin-an nga Anakbalhas ha maabot nga Marso 8.