Ha luyo han hitaas nga sweldo ngan alawans, damo ha Philippine National Police an dabi ha mga kriminal nga aktibidad para ha hukip ngan kwarta. Gamit an pasista nga poder, ginkikikilan, ginkakawatan ngan gin-aabuso han mga pulis an ordinaryo nga katawhan.

Sigon mismo ha rekord han PNP, masobra 2,500 nga pulis an gintanggal ha pwesto hadton 2025 tungod ha pagkakadabi nira ha pagbaligya han iligal nga druga. Hadton Pebrero naman, pito nga pulis an nabuksas nga nangikil ha usa nga residente han Manila kabalyo han pag-atras han hinimu-himo nga kaso han iligal nga druga nga ginsalawad kontra ha iya. Ha Angono, Rizal, 10 nga pulis an nagtanum hin ebidensya, nangastigo, nangawat ngan nangikil ha usa nga estudyante nga gin-akusahan nira nga dabi ha pagbaligya han iligal nga druga. Duha kabulan hiya nga iligal nga ginpriso bisan kun naghatag hin kwarta an iya pamilya. Samtang, unom nga pulis ha Makati an nabuksas nga dabi ha serye han mga pangingikil ngan pangawat ha syudad.

Pira la ini ha lutaw nga pamatuod han unob nga pasista ngan mapangabuso nga karakter han kapulisan. Padayon nga naungbaw ha sakob hini an kultura nga kawaray pagtahud.