Napatay dagiti soldado ti 3rd IB iti dinudursok a panangpaltopaltog iti mannalon a ni Jaime Pabillar, agtawen 44, idiay Barangay Cagtoto-og, San Jorge, Samar idi Pebrero 2. Ni Pabillar ket adda iti uneg ti balay na karaman ti asawa, anak ken apo na idi patudwan ti bala dagiti soldado.

Inlibak ti New People’s Army (NPA)-Western Samar (Arnulfo Ortiz Command) ti pammabasol ti 3rd IB a ni Pabillar ket maysa a Nalabbaga a mannakigubat. Inlawag ti hukbo ti umili a ni Pabillar ket maysa a sibilyan nga adda iti uneg ti balay na nga apagbiit a dimmagusan ti yunit ti NPA. Adda iti baryo ti hukbo tapno agimbestigar iti kasasaad dagiti residente a maap-apektaran ti panagtudtudo ken militarisasyon.

Idi nagpaputok ti 3rd IB iti direksyon ti balay, saan a bimmales ti putok dagiti Nalabbaga a mannakigubat ken napaspas a naglibas da, tapno iyadayo iti peggad ti masa a nangpasangbay kadakwada iti balay na.

Idiay Barangay Bay-ang, pinalto-paltogan ti 52nd IB ti tallo a mannalon idi Pebrero 20. Kalpasan na ket sinaktan, sinukain dagiti alikamen ken inpasidong isuda iti interogasyon. Pinangtaan isuda a saanen nga agipulong. Kalpasan daytoy ti panagkanyon ken nakasina nga insidente ti panagistraping kadagiti asideg a barangay idi Pebrero 16.